De Stettinersch' Barbara Seuffert vertellt uns von dat
Dörp In Portugal, wat an'n Wiehnach'n de Geschicht von de Bort Jesu
späel'n ded. Un de Hamborger Jens Saß het dat Bauk in 't Plattdüütsch
öewersett.
Harr Werner Bergengrün uns Dörp un portugies'sche Wiehnachsfest' kinnt, dunn harr hei wiss nich dat "Kaschubische Wiehnachsleid" schräewen, sunnern dat "Portugies'sche Wiehnachsleid":
Wier'st du, Kinding, doch in Portugal,
wier'st du, Kinding, born bi uns int Dörp!
Kiek, du harr's't nich up Heu nich läegen,
wier'st up Duunen wiss weik bett't wurren.
Kinding, as wi di faudert wullt harren!
Fröeh an'm Morr'n witt't Brot un Honnich,
frische Bodder, wunnerweiket Schmurfleesch, meddags Häuhnerbräuh'
un broten Frango,
Bacalhau, Sponfarken un Paschtetings,
Knobelwost un gulden Eierkauken,
Kraug üm Kraug den Branco oder Tinto!
Kinding, as wi di faudert wullt harren!
Un as wi dat Hart di schink'n wullt
harrn!
Kiek, wi wier'n wiss aal wurren frumm,
aal Knei würr'n sei di böegen,
aal Fäut' Hebenswege gahn.
Meindag würren wi kein Vagels
scheit'n,
sünndags ordig in de Mett' gahn,
- wier'st du, Kinding, hier in Portugal,
wier'st du, Kinding, doch bi uns hier born!